12. klasea: 27/03/2017

Gaurko didaktika saioan Haur Hezkuntzan esku hartzeko printzipioei buruz hitz egiten egon gara Power Point baten bidez eta denon artean komentatuz.

Hasteko globalizazioari buruz esan dugu ezin dela dena globalizatu, izan ere zenbaitetan talde txikiak edo handiak egin behar dira eta baita ere indibidualki lan egin behar da. Ondoren behaketarako 3 modu ezberdin daudela aipatu dugu, lehenengoa behaketa globala da eta hau subjektiboa da; bigarrena behaketa sistematikoa da eta hau irizpide bati egokitzen zaio; azkenik behaketa konparatzailea daukagu eta honek gauzen arteko ezberdintasunak eta berdintasunak azaltzea dakar, orokortasunetik partikularretara. Ondoren oso garrantzitsua den kontzeptu bat ikusi dugu: behatutakoaren komunikazioa: haurrak adierazi dezakeena baino gehiago behatzen du beraz lengoai korporala eta adierazteko modu ezberdinak luzatu behar dizkiegu. Jarraian esperimentazioari buruz hitz egin dugu, eta esan dugu esperientziak barneratzeko ezaugarri hauek izan behar dituztela: aktiboak izatea, atseginak, motibatzaileak, zehatzak eta sormena estimulatzen dutenak.

Hau guztia beti ICP (eskola bakoitzeko baldintzak, mugak) barnean egonda, horregatik eskola bat eraldatzen da proiektuen eskakizuna klaustroan eskatuz eta denborarekin familien eta ikasleen iritzia irabaziz.

Gaurko klasea oso interesgarria iruditu zait eta erabilgarria egin zait, gauza ezberdinak ikasi ditugulako, eta metodo honen bidez egitean gustora sentitzen naiz.