2. klasea: 3/02/2017

Arratsalde on!!  Gaur goizean izandako didaktika saioa niretzat lehena izan da, eta gustora sentitu naiz gelan egindakoarekin eta taldeko giroarekin. Andonik (irakaslea) “Cajas de vida” izeneko testu bat eman digu irakurtzeko eta gero talde txikietan komentatu dugu; artikulu hau haurreskola batean erabiltzen duten teknika bati buruzkoa izan da, non haur bakoitzak bere kaxa duen eta bertan bere momentu garrantzitsuei buruzko gauzak gordetzen joaten den (argazkiak, objektuak, marrazkiak…) eta gero gela guztiarekin konpartitzen dituzte  beren bizipenak  horrela elkar hobeto ezagutzeko. Asko gustatu zait teknika hau izan ere niretzat berria delako eta txikitan horrelako esperientziarik ez nuelako izan, baina denon artean komentatzean bazeuden gelakideak horrelako gauzak egin zituztenak txikitan eskolan.

Nire ustez haurrentzat horrelako proiektu txikiak egitea oso onuragarria da beraien sentimenduak espresatu eta esperientziak partekatu ahal dituztelako, horrela beraien artean elkarrizketak sortuz eta gai ezberdinei buruz hitz eginez.

Klasea amaitzean irakasleak esan digu gure txikitako argazkiak bilatu behar ditugula, hezkuntza arloarekin zerikusia dutenak, eta argazki bakoitzaren istorioa azaldu bertan nola sentitzen ginen esanez. Nik argazki asko ditut txikitakoak, izan ere nire irakasle batek txikitan argazki asko atzeraten zizkiguako, eta oraindik gordeta ditut beraz bilatu beharra dauzkat egun hauetako batean lana egiteko.